“Bakit ang tahimik mo?” untag sa kaniya ni Reese nang mapansin nito na hindi na uli niya ginalaw ang kaniyang pagkain. “Hindi mo ba nagustuhan ang mga pagkain?” masuyong tanong uli nito.
Umiling si Sky Jewel at saka ibinaba na nang tuluyan ang kutsara at tinidor na hawak niya. Bigla siyang nawalan ng gana sa nalaman na hindi na pala ito aalis. She felt disappointed. Iyon ang nangibabaw na damdamin niya sa mga sandalling iyon.
“Sky…” pukaw uli sa kaniya ni Reese sa mababang boses. “May problema ba?”
Inihilamos niya ang palad sa buong mukha at saka tumingin sa binata. “To be honest, balak kong pumuslit sa plane mo kapag umalis ka rito. Kasi, I know na hindi mo ako papayagan na sumama. That’s the only way I know para makauwi ako sa’min. Pero ngayon na hindi ka naman pala matutuloy, paano
