KINABUKASAN ay lumipad si Reese papuntang Japan. Nagdesisyon siya na agahan na lang ang pagdalaw sa kaibigan at sa mga inaanak niya. Hindi niya iyon ipinaalam kay Nicolas kaya gulat na gulat ito nang dumating siya sa tahanan ng mga ito.
“Hi, bro!” Sinalubong siya ni Nicolas nang makababa siya ng sasakyan na ipinarada niya sa malawak na garahe ng mansiyon nito. Kilala na siya ng guwardiya sa bahay na iyon kaya agad siyang pinapasok. Bahagya nitong tinapik ang balikat niya. “Bakit ang aga mo? Sa Saturday pa ang birthday ng mga inaanak mo, ah.”
“Nami-miss na kasi kita, eh,” pabiro na sagot niya rito.
“Miss mo mukha mo, gago!” At saka sila nagtawanan na dalawa. Pumasok na ito sa maindoor na kusang bumukas. “Alam ko na. Babae ang dahilan, ‘no?”
“Ang lakas talaga ng radar mo.” Umiiling-iling
