HINDI mawala-wala ang ngiti na nakalapat sa mga labi ni Sky Jewel habang pinagmamasdan niya ang kaniyang asawa na si Reese at ang kaibigan nilang si Buboy na nakasalampak sa harap ng puntod ng isa pa nilang kaibigan na si Asyong. Kung may pinakamasayang tao man ngayon sa buong mundo, iyon ay walang iba kundi siya.
Walang pagsidlan ang kaniyang kaligayahan dahil sa waksa, nakita niya na muling nabuo ang pagkakaibigan ng tatlo kahit nasa kabilang buhay na ang isa. Masaya si Sky Jewel na dininig ng Diyos ang panalangin niyang ito, na natupad ni Reese ang pangarap nito na maibalik sa dating Buboy si Aquilles.
At ang isang nakakatuwa pa, sa ngayon ay kasamahan na rin nila sa INTERPOL si Buboy. Katulad niya, tinanggap din nito ang trabahong inalok ng ahensiya para hindi masayang ang kakaibang
