Two years later...
PAGBABA na pagbaba ni Reese sa mamahaling van ay pumasok siya sa isang malawak na glass door sa underground ng isa sa pinakamalaking building sa Mexico. At ang gusali na iyon ay pag-aari ng Los Poderosos at pinaka-hideout ng organisasyon. Doon matatagpuan ang tinatawag nilang underworld.
Nasa unahan ni Reese sina Axel at Felix. Kasunod naman niya si Spooky at lima pa niyang tauhan. Lahat ng mga ito ay armado. Sila ang magkakasama sa van kanina. Habang ang lulan naman ng dalawang van pa ay naiwan sa labas para magbantay. Kasama ng mga ito ang maraming tauhan din ng iba’t ibang grupo. Maliban na lang sa gang ni Aquiles na matagal nang hindi nagparamdam. Kahit sa mga kalye ng Mexico, kung saan ay palaging nangunguna sa gulo, tahimik din ang grupo. Ni hindi nila nabalitaan
