LUMIPAS ang isang oras o mahigit pa na pakikipagusap kay Papa, nagpaalam na s’yang umalis. Um-oo na ako na pupunta ako bukas ng gabi para sa wedding anniversary nila ni Mama. Makalipas pa ang ilang mga minuto, dumating na rin si Levai na may dalang marshmallows para sa ‘kin. Kumakain kaming tatlo ngayon sa kusina. Med’yo okay na ang mood n’ya ngayon. “Ah, Levai? Pumunta pala si Papa rito kanina,” marahang sambit ko sa kan’ya habang pinapapak ang hita ng fried chicken.” Napa-titig s’ya sa ‘kin habang tumataas-baba ang kan’yang maangas na panga.
“Why? Is there any problem, honey?” malambing na tanong n’ya sa ‘kin na mabilis agad ako na umiling.
“Wala naman. 20th wedding anniversary na kasi nila bukas. Iniimbitahan tayo sa dinner, pumayag na ako kaya sana... sumama ka na,” marahang tugon ko
