Umaga na ngunit wala pa ring abiso mula sa doktor o nurse kung nailipat na nila ang asawa sa pribadong silid. Halos lahat sila ay walang tulog dahil katulad niya ay ayaw umuwi ang mga magulang upang magpahinga.
Kababalik lang ng kaniyang ama na bumili ng kape nila at makakain nang may lumapit sa kanilang nurse.
"Kayo po ba ang pamilya ni Mrs. Gonzalves?" tanong nito.
"Yes, ako ang kaniyang asawa," mabilis na tugon ni Calix sa nurse na kinangiti nito. Siya at ang kanilang magulang na lamang ang natira sa ospital dahil matapos siyang kausapin ng masinsinan ni Nathalie kanina ay nagpaalam na ito sa magulang niya at biniling balitaan siya agad kapag may balita na tungkol sa kondisyon ni Samantha. Sumunod namang nagpalam ang pinsang si Angela at ang kasintahan nito dahil may mga trabaho sila
