Walang nagawa si Calix kundi hayaan na lamang si Samantha sa nais nitong gawin gaya ng hiling nito. Masakit na makitang unti-unting lumalayo ang babaeng pinakakamahal at mas masakit pang isipin doon ay baon nito ang bunga ng kanilang pagmamahalan.
"Anak, hindi mo pwedeng ibaon ang sarili mo sa lungkot. Hindi pwedeng hayaan mong igupo ka ng lungkot. Si Samantha at ang magiging anak mo lang sa kaniya ang nawala pero nandito pa kami ng Daddy mo at ng magiging anak niyo ni Geraldine. Kailangan ka niya ngayon lalo pa at wala nang pag-asang makalaya pa ang ina niya," turan ng ina.
Isang linggo na iyon matapos mawala ang asawa. Inuwi na ito ng magulang nito sa Cebu at hindi niya alam kung babalik pa ba ito.
Napatingin siya sa ina, muli ay tumulo ang mga luha niya at kitang kagaya niya ay malu
