Sa opisina ay halos hindi makapag-concentrate si Calix. Iniisip ang asawa at kung ano na ang ginagawa nito. Mas lalong naiinis sa sarili dahil batid na sa oras na iyon ay kasama na nito ang lalaking kasama kagabi.
"Sh*t!" bulalas sa kawalan sabay sapo ng magkabilaang palad ang mukha. "Buwisit!" gagad pa nang tanggalin ang palad sa mukha at nakita ang kaibigang nasa kaniyang harapan. "Gian?!" gulat na sambit.
Malakas na tawa ang sinagot ng kaibigan sa gulat ng makita ito. "Wait, lilinawin ko lang ha? Hindi naman siguro ako ang buwisit na sinasabi mo?" hirit nito.
Tinukod ang isang kamay sa mesa sabay sapo sa noo saka umiling dito.
"Good, mabuti naman dahil lumipad pa naman ako mula Cebu patungo rito," hirit pa nito na tawang-tawa pa rin. "Mukhang may bumabagabag sa isipan mo, ah? Mind
