Agad na napakapa si Samantha sa kaniyang tabi ngunit wala na ang asawa. Unti-unting dinilat ang mga mata at naalala ang mga kaganapan kagabi. Sinapo niya ang ulo saka muling sinariwa ang lahat.
Unti-unting tumulo ang mga luha buhat sa kaniyang mga mata. Napagtanto kung gaano niya kamahal si Calix at handang gawin ang lahat para dito. Ngunit hanggang kailan? Tanong na umuukilkil sa kaniyang isipan.
Nang mahamig ang sarili ay mabilis siyang tumayo at tinungo ang banyo upang mag-imis. Hinanda ang sarili sa panibago na namang pakikibaka, pakikipaglaban na hindi alam kung may pag-asa bang manalo siya.
Mabigat ang loob na tumayo pero kailangan dahil balak niyang magtungo sa opisina ni Greg sa sinasabi nitong trabaho. Siguro ay kailangan na rin niyang gumawa ng hakbang upang mapabuti ang sari
