Agad na napakapa si Calix sa kaniyang tabi nang maalimpungatan kinaumagahan. Mabilis siyang napabalikwas nang wala siyang makapa. Masyado yata siyang napagod kagabi at hindi niya namalayang naidlip.
"Sam?" mabilis na tawag. Batid na niyang umaga na iyon dahil kita ang liwanag na nasilip sa bintana ng silid na kinaroroonan. Kita pa ang nagkalat nilang saplot ni Sam. Inisa-isang dinampot iyon at nang akmang ilalagay sa kama ay nadako ang mga mata sa side table at nakita ang papel na napapaibabawan ng ballpen kung saan ay nakasulat ang kaniyang pangalan.
Mabilis na dinaluyon ng kaba ang dibdib. Alumpihit na binuksan iyon at binasa.
"To my husband," basa niya at doon pa lamang ay hindi na niya maiwasang maluha. "In a short period, I feel your love and care for me. I do appreciate every sin
