Mag-aalas nueve na ng gabi ngunit wala pa rin si Calix. Agad siyang napatingin sa mukha ng biyenan na tila walang kapaguran. Nakangiti pa rin ito habang nanunuod sila ng isang pelikula.
Marahil ay naramdaman nito ang pagtitig niya kaya agad itong napalingon sa kaniya. Agad naman siyang ngumiti nang magtama ang kanilang paningin.
"Hey, don't worry pauwi na raw siya," mayamaya ay sambit nito. Batid niyang si Calix ang tinutukoy nitong pauwi para tuloy gustong bawiin ang mga tingin at ngiti rito. "Hindi ko nga rin alam kung saan nagpunta ang batang iyon," dagdag pa nitong wika.
"Siguro sa girlfriend niya," aniya sa isipan pero hindi namalayang nanulas pala sa kaniyang mga labi.
"May sinabi ka ba, hija?" untag ng Mommy Alexa niya. Nagulat siya sa sinabi nito.
"Po?! Ha? Wala po," agad na t
