Pagkatalikod ni Calix sa asawa, kahit papaano ay nakahinga siya ng maluwag. Hindi niya inaasahang ganoon ang magiging reaksyon ni Samantha. Akala kanina ay sasalubungin siya nito ng mga nakakamatay na irap at mapanumbat na mga salita. Mukha nga yatang binago na talaga ito ng panahon dahil naging mature na itong mag-isip.
Mabilis na ininit ang mga pagkaing inihanda nito. Hindi tuloy niya maiwasang mamangha sa Samantha na kasama ngayon. Bukod kasi sa nauuwasan siya nito ay masasarap ang pagkaing inihanda nito. Napapangiti tuloy siya saka pasimpleng tinanaw kung nasaan ito at nakitang inaayos nito ang mesa na nagulo gawa ng pagkakayuko roon.
Ibang-iba na ito sa kababatang si Samantha na walang ginawa kundi ang tuksuhin siya.
Matapos ayusin ni Samantha ang nagulong mesa ay sinunod naman ang
