Habang tumatagal si Michelle sa ospital at papalapit ang kaniyang panganganak. Padalas naman nang padalas ang kaniyang p*******t sa ulo. Minsan ay gusto na niyang sumuko ngunit naroon ang pamilya, si Calix at lalong-lalo na ang magiging anak. Nakasalalay sa kaniya ang kaligtasan nito.
Ilang beses na rin niyang sinabi sa kaniyang doktor na anuman ang mangyari ay ang anak ang ililigtas nila.
Pagdilat ng kaniyang mata ay nabungaran si Calix. Gaya pa rin ito ng dati, guwapo at makisig. Ito pa rin ang Calix na unang minahal sa kabila ng kaalamang nakatali na ang puso sa babaeng mortal nitong kaaway noon.
Hinaplos niya ang pisngi nito dahilan upang maalimpungatan. Isang matamis na ngiti ang pinamalas nito sa kaniya nang makita siyang gising. Kinailangan niyang dumilat dahil alam niyang ngayon
