Mayamaya ay bitawan siya ng kaibigan saka tinitigang mabuti. "Tell me, may nangyayari ba sa inyo ng asawa mo?" tanong nito. Alam kasi nito ang lahat at noong una ay inis na inis talaga siya sa sitwasyong pinaglagyan sa kaniya ng mga magulang.
Napatigil siya sa tanong ng kaibigan. Hindi alam kung paano sasagutin ang tanong nito. "Hey, don't deny it!" untag ng kaibigan. "Anyways, wala namang masama dahil mag-asawa naman kayo," agad nitong bawi nang walang mahitang tugon buhat sa kaniya.
Mas lalo siyang natigilan bagay na kinangiti na lamang ng kaibigan. "You know what, bakit hindi na lamang tayo lumabas? My God! Mukha yata noong umuwi ka galing London ay hindi ka na nagagawi sa salon?" saad nito sa kaniya.
Agad siyang umiling hindi dahil sa wala siyang pera kundi dahil ayaw niyang gumasto
