YANNA
PALABAS na ako mula sa paaralan na pinapasukan ko. Kapag ganitong pumapasok ako sa trabaho, hindi na ako nagpapahatid sa driver. Ako na ang nagmamaneho. Gusto ko kasing maranasan na maging normal na empleyado lang. Kahit alam naman ng lahat ng nasa eskuwelahang ito ang totoong estado ko sa buhay dahil kilalang-kilala sa buong Mexico si Mateo. Lalo na at hindi lang siya mayamang negosyante kundi isa ring pilantropo. At ang eskuwelahang ito ang isa sa binibigyan niya ng major sponsorship.
“Alam mo, Ma’am Yanna, ang tagal na nating magkatrabaho pero hanggang ngayon hindi mo pa rin sinasabi sa amin kung sino ang asawa mo at kung nasaan na siya ngayon,” naisipan na namang itanong sa akin ng co-teacher ko na si Maria, sa salitang Mexican. “Siguro, mayaman din ‘yon. Dahil sa sobrang yaman
