YANNA
NANG dahil sa takot ko na baka magbunga nga ang nangyari sa amin ni Uncle Jaxx kaya iniwasan ko muna siya. Baka hindi lang galit ang abutin ko sa kaniya lalo na kapag nalaman niya na hindi na ako umiinom ng pills.
Pagbalik ko sa mansiyon ni Uncle Gael, tumulong na ako kina Manang Olga para maging busy ako. Para wala na akong time na kausapin si Uncle Jaxx. Buti na lang at hindi naman siya nagalit na iniwan ko siya bigla sa kubo kanina.
Hindi na rin siya nangulit kagabi nang tulugan ko siya nang maaga.
Maaga rin akong nagising at lumabas ng aming silid para makaiwas na naman sa kaniya. Tumulong uli ako sa mga gawaing bahay para maging abala na naman ako paggising ng asawa ko.
"Good morning, Yanna."
Napahinto ako sa pagdidilig ng mga bulaklak nang marinig ko ang boses na iyon n
