YANNA
SIGURO nga mali ang hinala ni Gov. Gael at tama ako na wala talagang feelings at pake si Uncle Jaxx kaya hinayaan na lang niya ako na manatili sa silid na ito na kasama ang kaibigan niya.
Mukhang nabigo rin si Gov. na pagselosin si Avalynn.
“Gano’n naman talaga ‘yon noon pa man. Kunwari hindi nagseselos pero deep inside, nasasaktan naman,” pagmamaktol ni Gov. nang makaalis ang ex-wife niya na sumunod naman sa asawa ko. “Kaya nga kami naghiwalay niyan, eh.”
“Ano ho? Naghiwalay kayo dahil lang do’n?” hindi makapaniwalang bulalas ko. “Sorry, Gov, ha? Pero hindi ba parang ang babaw naman?”
Napansin ko na biglang nagbago ang anyo ni Gov. “Anyway, hayaan mo na ‘yon. Marami pa namang pagkakataon para pagselosin siya,” seryosong saad niya at halatang umiiwas.
“Oo nga, Gov. Kadarating
