UNCLE JAXX
“MANANG OLGA, wala pa ho ba sila Yanna at Gael?” tanong ko uli sa mayordoma dito sa mansiyon na halos ka-edad lang ni Nanay Esme. Matagal na rin siyang naninilbihan sa pamilya ni Gael kaya kilalang-kilala na namin ang isa’t isa.
Ang totoo niyan, hindi ko na mabilang kung ilang beses na akong bumaba para lang magtanong kay Manang Olga at sa iba pang kasambahay kung dumating na ba ang asawa at kaibigan ko. Pasado alas onse na ng gabi. Dapat nga kanina pa ako tulog pero hindi ko magawa dahil wala pa rin sila hanggang ngayon.
Gusto ko sanang tawagan si Yanna o kahit si Gael. Pero tinalo na naman ako ng lintik na pride ko. Dahil alam ko na kapag ginawa ko iyon, para ko na ring kinain ang mga sinabi ko kanina.
Pero nakakainis na rin.
Naiinis na ako sa sarili ko dahil nagpupuyat
