UNCLE JAXX
“GAEL!” Bago pa man makasakay sa sasakyan niya ang kaibigan ko ay hinawakan ko na siya sa braso at walang ano-ano na sinapak sa mukha. “Gag* ka! What the heck did you to my wife, huh?” galit na sabi ko at mahigpit na kinuwelyuhan ko siya.
Pero ang walang hiya kong kaibigan, imbes na patulan ako, tinawanan lang ako. “Ano ba ang problema mo, bro? Wala naman kaming ginagawa ni Yanna, ah. Ilang araw pa lang kayong nandito kaya wala pa kaming ginagawa…” tila nang-aasar pang sagot niya at hinimas lang ang kaliwang pisngi na tinamaan ng malakas na suntok ko.
“Hayop ka talaga!” Akmang susuntukin ko uli si Gael pero itinulak niya ako nang malakas at kampante lang na inayos ang kuwelyong nagusot nang kaunti dahil sa mahigpit na pagkakahawak ko kanina. “Ano nga ang ginawa mo kay Yanna?
