UNCLE JAXX
MADALI naming natapos ang pagpaplano sa mga hakbang na gagawin namin laban sa mga La Sombra ng mga kaibigan ko. Napagkasunduan din namin na sa susunod na linggo na iyon simulan para mapaghandaang mabuti kaya nakauwi agad ako.
"Sir, puwede ba akong umuwi sandali sa amin? It's Emman's birthday," paalam sa akin ni Orion nang makababa ako ng sasakyan. Kapatid niya ang tinutukoy niya.
Pormal ang mukha na tumango lang ako. "Dumaan ka sa lechon shop. Magdala ka ng dalawang litsong baboy," sabi ko sa kaniya, sabay talikod at dire-diretsong pumasok sa mansiyon.
Hindi ko alam kung bakit nagmamadali akong makapasok sa loob.
"Thank you, Sir!" narinig kong sabi pa ni Orion bago ko narinig ang paglabas ng isang sasakyan sa gate.
Habang malalaki ang mga hakbang ko papasok sa loob ay b
