UNCLE JAXX
“MARAMING BANTAY sa paligid ng hideout nila. Napapalibutan din ng mga advanced at hi-tech CCTV. May mga alagang K9 dog din ang nakita namin sa loob,” imporma sa amin ni Quinn nang makabalik sila ni Wren mula sa pagmamatyag nila sa isa sa mga hideout ng La Sombra dito sa Mexico.
“I don’t think this is the right time for us to attack,” sabi naman ni Wren. “Masiyadong risky. Para lang nating inihatid ang buhay natin dito kapag nagkataon.”
Isang buwan na kaming nandito simula nang makatanggap kami ng tawag sa isa mga asset namin at sinabi niya sa amin na sa wakas ay alam na niya kung saan namin posibleng matagpuan ang La Sombra. Though, aware naman kami na hindi ito ang main hideout ng nasabing grupo. Pero sigurado kami na kapag napasok na namin ang loob, may makukuha na kaming
