YANNA
“REX, ano ang gagawin natin sa babaeng ‘yan? Tatawagan na ba natin ang hayop na Jaxx na ‘yon para ipaalam na hawak natin ang asawa niya?” naulinigan ko na wika ng lalaking sigurado akong nasa unahang upuan ko lang.
“Hindi muna. Hayaan muna nating mabaliw ang asawa niya sa kakahanap sa kaniya,” sagot naman ng katabi niya na siyang driver nitong van.
May ibang pinag-uusapan pa sila na hindi gaanong malinaw sa akin dahil nahihilo ako. Parang pipikit na ang mga mata ko. Hindi ko na magawang dumilat sa sobrang pamimigat ng mga talukap ko. Pakiramdam ko ay parang nanlalambot ang buong katawan ko.
Naramdaman ko ito simula nang pilitin nila akong isakay dito at tinakpan nila ng panyo ang ilong ko. Kaya siguradong nilagyan nila ng pampatulog ang panyo na iyon. Kaya sigurado hindi agad ume
