YANNA
“GUSTO kong malaman mo na masaya ako para sa inyo ni Jaxx, Yanna. Sabi ko naman sa’yo noon na huwag tayong mawalan ng pag-asa at babalik din siya sa dati,” masayang wika ni Lola Esme pagkatapos kong ikuwento sa kanila ni Manang Ruffa kung paano kami nagkaayos ng asawa ko. Ilang araw pa lang simula nang makabalik kami rito sa Hacienda Aragon. “At maraming salamat dahil tinulungan mo siya.”
Nakangiti na hinawakan ko ang kamay ni Lola Esme. “Isa po ako sa mga dahilan kung bakit siya nagkagano’n noon kaya tama lang po na tinulungan ko rin siyang makabalik sa dati.”
“Pero ang suwerte mo, Yanna, ha? Kung alam mo lang kung paano magmahal iyang si Sir Jaxx,” nanunudyo namang sabat ni Manang Ruffa. “Kaya tama si Lola Esme, masayang-masaya kami para sa’yo.”
“Maraming salamat po, Manang Ruf
