PINAGPAPAWISAN nang malamig si Alina lalo nang makarating sila sa venue ng party. Maaga pa kaya tumuloy muna sila sa mansiyon. Mabuti wala masyadong tao roon at lola lang ni Elias at iilang kawaksi rin.
“Welcome home again, Alina!” bungad ni Lola Cora.
Sinalubong na sila nito sa lobby at unang niyakap si Alina.
Nagmano naman siya sa ginang. Kahit nasa otchenta anyos na ito ay malakas pa rin, maganda pa ang postora. Niyakap din nito ang kaniyang ina at tiyahin.
“Tuloy kayong lahat! Huwag kayong mahiya,” anang ginang. Inutusan nito ang mga kawaksi na ipaghanda sila ng meryenda.
Tumuloy naman sila sa malawak na dining area.
“Busog pa ako,” pabulong niyang sabi kay Elias. Nakaupo na sila sa harap ng mahabang lamesa.
“Hindi naman siguro heavy ang snack. Mahilig sa salad na gulay at pr
