SA loob na ng kotse binuklat ni Annie ang papel na binigay ni Daniel. Ilang sandali siyang tulala habang taimtim na binabasa ang nakasulat sa papel.
“Ano ‘yan?” curious na tanong ni Vladimir.
“Sulat,” tipid niyang tugon.
Inulit pa niya ang basa sa nakasulat.
Big Boss had a plan to take you by force. Leave the hospital and avoid exposure in public for your safety.
Napatitig siya kay Vladimir matapos mabasa ang sulat. Kinuha rin nito ang papel at binasa.
“I knew it. Ito ang sinabi sa akin ni Ale kagabi,” anito.
“Ano’ng ibig sabihin ni Big Boss, puwersahan niya akong kukunin sa ospital?” kabadong saad niya.
“That’s right. Maaring may naisip siyang strategy kasi alam niya na merong limited area sa ospital na wala kang bantay. Maybe he had a plan to trap you.”
Sumikid ang kaniyang kab
