NAPASINGHAP si Annie nang biglang may kamay na humawak sa baywang niya. Napatingin siya sa kaniyang kaliwa kung saan sumulpot si Vladimir. Pumagitna ito sa kanila ng lalaking pinagdududahan niya. Napaatras naman ang lalaki.
“Bilisan mo, iba na ang ihip ng hangin dito,” bulong sa kaniya ni Vladimir.
Hindi pa niya nakuha ang ibig nitong sabihin. Minadali nito ang tindera na makuwenta lahat ng napili niyang item at binayaran na nito. Pagkuwan ay lumulan na sila ng kotse.
“Ano’ng problema?” balisang tanong niya kay Vladimir. Pabalik na sila sa resort.
“I found three suspicious guys. Iyong lumapit sa ‘yo. Nasa strawberry farm pa lang ay napansin ko na sila. They followed us.”
Tumahip na ang kaniyang dibdib sa kaba. Hindi nga siya nagkamali sa pinagdudahang mga lalaki.
“Pansin mo na pala
