HINDI nila naisalba ang buhay ni Rojillo. Sa biyahe pa lang ay binawian na ito ng buhay. Nanlulumong sumandig sa pintuan ng kotse si Vladimir, sa tabi ng driver. Nasa backseat si Alejandro at kandong ang walang buhay na katawan ng ginoo.
“What happened, Al?” tanong niya sa kaibigan.
“Rojillo’s daughter, I know her,” anito.
“Si Aliya Mendez? Paano mo siya nakilala?”
“Noong umuwi ako sa puder ng nanay ko sa Cebu, nakilala ko si Aliya. Anak siya ng kaibigan ni Mama.”
“You mean, kababata mo siya?”
“No. I’m not sure how kababata start. Fourteen years old ako noong lumayas ako sa bahay ni Dad, at bumiyahe ako pauwi ng Pilipinas kasama ang babysitter ko. Then my mother waited for me at the airport. Dinala niya ako sa Cebu. Tumira ako sa kaniya ng limang taon bago ako nakuha ulit ni Daddy,”
