PAREHAS kami ni Kuya Froy na nanlupaypay nang sinabi sa amin ng Lorma Hospital ng La Union na nagpa-discharge rin agad si Jwan nang umayos ang kanyang kalagayan. Pangatlong hospital na ito na pinuntahan namin tapos ganito lang na hindi rin naman pala namin sila maaabutan. Ang haba ng byinahe namin, hinating gabi na kami pati kaya ang saklap. Nakakapanghinayang at nakakapanghina.
“Salamat, Miss,” sabi na lamang ni Kuya Froy sa nurse na nasa information. Lumabas na kami sa hospital na iyon. Wala nang saysay kung mananatili pa kami roon.
“Saan na naman natin sila hahanapin nito?” kako na nanlalambot na umupo sa passenger seat ng sasakyan ni Kuya Froy. Pabalik na kami agad ng Maynila. Ako sana ang magda-drive naman pero hindi ko na kaya gawa ng stress ko at kabiguan na makita si Jwan.
“At l
