INILAPAG ng waitress ng EL Padrino restaurant ang mga in-order na pagkain ni Kuya Froy.
I am with him now after ng kulang-kulang isang oras na paghihintay ko sa kanya sa tapat ng bahay nina Deus sa pag-asa kong lalabas si Jwan at makikita ko siya. Na-traffic daw kasi si Kuya Froy kaya natagalan siya. Unfortunately, sa tagal kong naghintay ay ni anino ni Jwan ay hindi ko nasilayan. Kating-kati ako kanina na bumaba sa kotse at sumugod na lang, pero dahil gusto kong sundin si Kuya Froy at nagtitiwala ako sa kanya ay hindi ko ginawa.
“Kumain muna tayo,” sabi niya para maagaw ang atensyon ko.
“Gusto ko nang makita si Jwan. Dadalhin mo ba ako sa kanya ngayon? Nakaisip ka na ba ng paraan?” pero kako na walang interes sa pagkaing nasa harapan ko kahit pa mukhang ang sasarap.
Tila ay nawalan na
