“NATATAKOT ako para sa’yo, part’,” sabi ni Jwan habang hawak-hawak niya ang kamay ako.
Narito na kami sa loob ng cottage. Nasa labas naman si Manong. Nag-volunteer siya na bantayan niya pa rin kami dahil baka raw biglang bumalik si Deus. Na-i-report na raw niya sa guard ng resort na huwag papasukin si Deus pero mas mainam na raw na sure kami na safe. Kanina nang sinilip ko nga ay hinahasa niya ang itak niya. Sa kabila tuloy nang nangyari ay napangiti ako.
“Bakit para sa akin? Magiging okay lang ako, part’. Kahit pa isumbong niya ako kay Papa ay wala na sa akin iyon. Alam mo naman na lagi akong handa na mag-out sa pamilya ko,” I said to ease her anxiety, kahit na ang totoo ay hindi ko na rin alam kung ano magiging reaksyon ni Papa kapag natuklasan niya ang aking sekreto. Dati siguro ay ma
