NIYAKAP ako ni Kuya Froy nang nagtuloy-tuloy ang iyak ko. Nakatakip ang dalawang palad ko sa mukha ko na sumubsob sa kanyang dibdib. The pain I feel is no longer a joke. It's hurt like hell. Sino bang hindi masasaktan ng ganito kung wala naman kayong ginagawa na masama ng taong mahal mo pero halos lahat ng nakapaligid sa inyo ay hadlang para maging masaya kayo?
Ang saklap.
Sobrang saklap.
Pakiramdam ko ay nawasak ang puso ko nang pinong-pino.
Napahikbi na ako. Kung ito man ang karma ko sa masamang plano ko noon para kina Deus at Jwan ay tatanggapin ko, basta naman sana ay magkaroon ng kabuluhan. Nagsisisi na ako. Ang gusto ko ngayon ay maayos kami ni Jwan. Ayaw ko na pala na maulit ang nakaraan. Ayokong masayang ulit ang pagmamahalan namin.
“Umuwi ka muna. Tatawagan kita agad kapag m
