Lala’s Point of View
Matapos makapaligo ay saktong pagdating ng mag-aayos sa akin. May kumakatok na sa saradong pinto ng silid ko at agad ko naman silang pinagbuksan at bumungad sa akin ang mga lukot nilang mga pagmumukha.
“Pati ba naman kayo?” natatawa kong tanong sa kanilang dalawa.
Dinaan ko na lang sa tawa ang gulat ko sa mga itsura nila. Mga ayaw namang sumagot pero pinapasok ko na para makapagsimula na kami.
Naupo na ‘ko kung saan nila inayos mga gamit nilang dala. Nakasuot lang ako ng roba at syempre may panloob. Basa pa ang buhok ko nang mga oras na iyon kaya pinatuyo muna ng isa sa kanila gamit ang tuyong tuwalya. Nag-umpisa na rin ang isa pa sa paglalagay ng kung ano-anong mga cream sa mukha ko.Pahinto-hinto dahil pareho kasi silang naluluha. Hindi matapos-tapos dahil panay s
