Lala's Point of View
Nagkakagulo ang mga tagasilbi sa loob at labas ng palasyo ngayon. Pinaghahandaan ang koronasyon ng bagong hari na magaganap mamayang pagdilim.
Si Sidd ang nagwagi at nakatutuwa lang dahil umpisa pa lamang ng paligsahan ay siya na ang may kakaibang awra sa lahat na agad kong napansin. Kita ang lakas niyang taglay, talino at alerto rin ito na kitang-kita naman.
May naramdamang kapayapaan ang puso ko nang siya ang nagwagi. Hindi ko alam kung bakit at paano ngunit batid kong magiging mabuting pinuno ang binatilyo. May bahid pa rin naman ng kaunting pagkabahala dahil baka magulat siya sa biglaang pagbabago ng buhay niya sa loob lang ng isang araw. Maging ako naman noon nang maupo ako at palitan ang ama ko. May mga araw na tuliro at kinukumpara ang araw ko bilang isang or
