Huling araw ng paligsahan.
Mas maraming manonood ang dumating at punong-puno ang arena. Hindi na sila magkamayaw pa para malaman ang mananalo sa labing-apat na mga kalahok na sasabak sa huling laban.
May kaniya-kaniya na silang mga napipisil sa mga kalahok kung sino ang nararapat na pumalit sa kanilang butihing reyna. May ilan din namang pabago-bago pa ang isip at may iba namang sigurado na talaga kung sino ang kanilang manok.
Binigay na ang mga pangalan ng magkakapares at magkadugtong na rin ang kani-kanilang mga bandana na nakuha sa unang pagsusulit.
Dinala sila sa isang napakasukal na gubat kung saan nag-aabang na ang mga kawal at iba't-ibang mga nilalang na siyang susubok sa kanila bukod pa mga pares na kailangan din nilang matalo at paputol ang mga bandana.
Sa huling pagsusulit m
