Hindi maipinta ang mukha ni Kor habang magkahawak-kamay kami at patungo sa kanyang opisina. Ang saya pa naman ng ngiti na binungad ko sa kanya pagbukas ng pinto pero nawala ang ngiti ko nang makita kong masama ang timpla niya.
Nangako siya na pupunta kami ng Salazar Mall ngayon para mag-shopping. Kaibigan niya ang may-ari ng naturang mall at hindi naman na ako nagtaka dahil alam ko naman na maraming kilalang bigating tao si Kor.
Hindi naman sana ako magsasabi sa kanya. Nahihiya rin ako dahil baka isipin niya na nananamantala ako. Kaya lang kasi ay hindi na magkasya sa akin ang ilang damit ko dahil lumalaki na ang tummy ko. Pati dede ko ay pakiramdam ko lumaki rin dahil halos lumuwa na ang mga dibdib ko sa suot kong damit.
Kaya naman sabi niya kanina ay mag-ayos ako ng aking sarili at
