MALAYA-LAYO na rin ang kanilang nilalakad at wala pa silang nakitang kabahayan. Seryoso si Kumander Allhe ng mga sandaling iyon dahil pinakiramdaman niya ang bawat paligid na kanilang dinadaanan.
"Hadi, malayo pa ba tayo?" tanong ni SMSgt. Marissa.
"Malapit na. Isang tawid na lang sa ilog, tapos iyon na ang Limbaan," tugon nito.
Hanggang sa nakarating sila sa ilog na sinasabi ni Hadi. Hindi malalim ang tubig sa ilong pero abot hanggang tuhod ito. Kahit ganoon pa man ay tinawid pa rin nila ito.
"Pasensya na kayo sa lugar namin," turan ni Hadi na tila nahihiya ito.
Ngunit walang ni isa ang gustong tumugon sa kanya dahil puro silang nakapokus sa paligid nila. Dahil hindi nila alam kung anong naghihintay na panganib sa kanilang mga buhay.
At maya-maya pa'y natanaw na nila ang mga ka
