Akmang papasok na sana ang dalaga sa elevator nang may humawak sa kanyang kaliwang braso na siyang naging dahilan upang matigilan ito sa paglalakad.
Napakunot noo na lamang si Anne nang makita kung sino ang nasa harap niya ngayon.
“Akala ko ba ako na mismo ang maghahatid ng pagkain sa’yo doon sa tambayan ninyo? Bakit nandito ka?” tanong nito sa binata.
Ngumiti na lang si Luke at saka hinawi ang buhok ng dalaga.
“Wala pa naman sila doon sa tambayan kaya pinuntahan na lang kita dito.” ngiting sambit nito sa dalaga ngunit ang totoo ay gusto talaga niyang makasama ang dalaga kaya pinili na lang niyang iwan ang mga barkada sa tambayan at samahan si Anne.
Ngumiti na lang si Anne habang hindi maipagkakaila ang pamumula ng kanyang pisnge.
“Lets go?” yaya pa nito sa dalaga.
Tahimik si Ann
