MASAKIT ang aking paa nang umupo kami rito, nandito kami sa Merlion na sikat na pasyalan sa Singapore. Iyong bumubuga ng tubig, iyon kasi ang palatandaan na nakapunta ka na talaga sa Singapore. After kaming ihatid nina Mang Gabo at Aling Betty sa ArtScience Museum ay rito na kami dumiretso.
Nakakatuwa nga si Aling Betty kanina dahil ang dami niyang kinu-kʼwento sa amin, about kina daddy Leif at daddy Lennox nu'ng bata pa sila, mayro'n nga raw nakatagong album sa Mansion dito sa Singapore, ipapakita niya raw sa akin iyon after naming mag-ikot-ikot dito. Nagulat nga ako sa sinabi ni Aling Betty kanina, mansion! Ini-imagine ko na sa isipan ko na kasing laki ng bahay nila tita Luna ang bahay nila rito sa Singapore.
“Baby, water?” Alok sa akin ni daddy Leif at tumabi sa aking pagkakaupo.
