PAKIRAMDAM ni Tami ay siya itong nagkamali ng desisyon na hayaan ang kaniyang anak na malayo sa kaniya pansamantala. And to think na nasa bahay lang iyon ng kaniyang biyanan sa Phase I ng Valle Encantado Village. Pero heto siya ngayon at sobrang na-mi-miss na si Kennedy. At hindi niya mapigilan ang sarili na hindi malungkot.
Isang gabi pa lang nila na hindi nakakasama si Kennedy. Ang kakulitan nito. Ang kaingayan. Ang tawa… sobrang hinahanap-hanap na niya.
Mabilis niyang pinahid ang luha sa kaniyang mga mata nang makita ang pagpasok ni KG sa kanilang silid. Mahimbing ng natutulog si Geo sa kaniyang tabi nang mga sandaling iyon.
Ngunit mukhang hindi nakatakas sa matalas na paningin ng kaniyang asawa ang pagpapahid niya kanina ng luha. Agad itong lumapit sa may tabi niya at may pag-aalala
