MAGANDA ang kulay kahel na kalangitan nang hapong iyon. Pakiramdam ni Tami ay para bang katulad sa mga magagandang painting, na nakikita niya, ang eksena ng kalangitan nang mga sandaling iyon.
Nanonood sila ni KG nang sunset sa may kabilang bahagi ng isla. Sa dinaanan nila pauwi noong minsang libutin nila ang kabuuan ng kinaroroonan nilang isla. Napakapayapa nang mga sandaling iyon. Ang hampas ng alon sa dalampasigan ay nakaka-relax ng isipan.
Iyon ang huling gabi nila sa isla na iyon dahil bukas ay pauwi na rin sila. Kaya naman sinusulit nila ang bawat sandali. Iyon lang din ang unang pagkakataon na makakapanood sila roon ng sunset. Dahil sa tuwina ay sunrise lang ang ilang beses nilang napapanood tuwing umaga.
Iniunat ni Tami ang kaniyang mga binti. May latag sila sa buhanginan na hin
