“THANK YOU,” ani Tami kay KG nang abutan siya nito ng mainit na gatas sa isang cup. Ayaw kasi siya nitong paiinumin ng kape kaya ipinagtimpla siya nito ng gatas.
Nang mga sandaling iyon ay isa siya sa gising, sa chapel, na siyang nagbabantay sa burol ng kaniyang Lola Amanda. Alas dos na ng madaling araw. Ang kaniyang ina ay hinayaan muna niyang makatulog kasama ng kaniyang lolo at ama sa isang silid na naroon din mismo sa chapel. Bukod naman sa kanila ni KG ay may gising pa ring mga kasambahay ng kanilang Lolo Nolito na mga naroon din para mag-asikaso sa mga kailangan sa burol.
“Ayaw mo bang umidlip muna?”
Umiling si Tami. “Naka-idlip naman ako kanina. Thank you for staying,” nakangiti niyang wika sa asawa na ni hindi umalis sa tabi niya simula kanina. Wala pa rin itong tulog.
“Hindi n
