NAPABUNTONG-HININGA si Tami habang matamang pinagmamasdan si KG. Nakabihis na siya nang mga sandaling iyon. Magkasama silang dalawa na dadalaw sa burol ng kaniyang Lola Amanda.
Tila ba malayo ang abot ng tanaw ni KG sa kawalan. Mukhang iniisip nito ang partikular na napag-usapan nila kanina na pagbalik niyang muli sa New York. Dahil matapos niyon ay medyo tumahimik ito.
Nasa may terrace si KG habang nakatayo at nakahawak ang dalawang kamay sa may pasamano. Bihis na rin ito at siya na nga lang ang hinihintay na matapos sa pag-aayos para makaalis na sila.
Maingat na naglakad siya palapit sa kinaroroonan ng kaniyang asawa. Pagkuwan ay walang imik na niyakap niya ito buhat sa may likuran nito na bahagya nitong ikinakislot dahil sa gulat.
“Akala ko ba, ayaw mo na nag-iisip ako? Pero, tingna
