NAPABALIKWAS ng bangon si Tami. Habol pa niya ang kaniyang paghinga. Bakas din ang luha sa kaniyang pisngi nang damhin niya iyon ng kaniyang mga kamay. Agad niyang inilibot sa paligid ang kaniyang paningin. Nang masiguradong nasa silid pa rin siya ng master bedroom ay saka lang siya nakahinga nang maayos.
Nang magmulat si KG ng mga mata nito at makita siyang habol ang paghinga habang nakaupo ay napabangon din ito mula sa pagkakahiga. Tuluyan na itong naalimpungatan mula sa pagkakatulog.
“Are you okay?” agad nitong tanong kay Tami.
Nang makita ni Tami si KG na gising na rin ay agad siyang yumakap dito. She had a bad dream. Parang totoong-totoo. Agad naman hinagod ni KG ang kaniyang likuran.
“I-I had a bad dream,” aniya sa mahinang tinig. Mariin siyang napapikit.
“What is it?”
Napaluno
