NANG maglayo ang mga mukha nina Tami at KG, mula sa pinagsaluhan nilang makapugtong-hiningang halik ay matamang pinagmasdan ni Tami ang asawa.
“Patawad,” muli niyang anas dito.
Gumuhit ang ngiti sa labi ni KG. “Wife, I told you, you’re forgiven.”
Yumakap siya rito. “Hindi ka talaga galit sa akin? O kaya ay masama ang loob?”
Umiling si KG. “Hindi po ako galit o ano pa man. Duda ka pa rin ba?” nangingiti nitong tanong.
Gusto lang naman niyang makasigurado. Lalo na at siya itong umalis ng walang paalam sa kaniyang asawa.
“Gusto ko lang makasigurado,” pagsasatinig niya sa nasa isipan niya.
Nang kumalas na siya sa pagkakayakap kay KG ay agad niyang pinalis sa mga mata ang luhang namumuo na naman doon. Hindi lang siya makapaniwala ngayon na magiging ganito ang muling pagtatagpo nila ni KG
