2 years ago…
ITO ang unang pagkakataon na talaga namang excited umuwi si KG galing sa trabaho nang hapon na iyon. Dumaan pa siya sa isang flower shop para bilhan ng bulaklak ang kaniyang asawa. Ilang oras pa lang silang hindi nagkikita ngunit pakiramdam niya ay sobrang miss na miss na niya ito.
Palibhasa ay hindi sila mapaghiwalay nitong mga nakaraan na araw kaya siguro ganoon na lang katindi ang pagka-miss niya sa kaniyang asawa.
Nang makarating sa bahay nila ay agad siyang bumaba sa kotse habang bitbit ang bungkos ng bulaklak na hinayon niya ang papasok sa loob ng mansiyon.
“Good afternoon, Sir,” bati pa sa kaniya ng mga kawaksi.
Gumanti naman siya ng bati. Akmang dederetso siya sa may hagdanan nang huminto siya sa paglalakad at muling pumihit paharap sa kawaksi na bumati sa k
