NANG maalimpungatan si Tami kinabukasan ay daig pa niya ang animo binibiyak ang ulo. At hindi lang iyon, pakiramdam niya ay masakit ang katawan niya. Hinilot niya ang kaniyang sentido gamit ang kaniyang kamay. “Bakit ganito?” reklamo niya dahil sa nararamdaman. Napahinto siya sa paghilot sa kaniyang sentido nang rumihistro sa kaniyang isipan ang ginawa niya kagabi… halos ubusin na niya ang laman ng isang boteng Jack Daniel’s. Ano’ng inaasahan mo ngayon, Tamara? Uminom ka ng wagas kagabi kahit na hindi ka naman sanay. Now, tiisin mo ang sakit ng ulo na nararamdaman mo, anang isip niya sa kaniya. Ngunit nang maalala ang kaniyang Lola Amanda, pikit man ang kaniyang mga mata ay agad iyong nag-init at namasa. Bigla na naman ang paninikip ng kaniyang dibdib dahil sa emosyong bumabalot sa kan