Unti-unting bumagal ang paghagod nito sa kaniyang likuran. Napalunok ito at pinilit na magpakatatag para kay Tami kahit parang maging ito ay nangingislap na rin ang mga mata. Ramdam na ramdam nito ang sakit na pinagdadaanan ng apo nito.
“Bakit mo naman nasabi ‘yan? Sinabi ba niya sa iyo?”
Tumango ito. Ikinuwento niya rito ang nangyari matapos ng naging kasal nila ni KG. Ang panlalamig nito matapos ng kasal nila.
“Pero akala ko ba ay nagkakamabutihan kayo noong nasa USA kayong dalawa?”
“Akala ko rin po. A-akala ko. Pero hindi. Dahil pag-uwi ko, iba na siya. Mas malamig pa sa yelo. Lola, wala naman akong ibang ginawa kundi mahalin siya. Pero bakit ganoon?”
“Apo, naniniwala ako na may ibang dahilan kaya siya nagkaganoon. Hindi ka niya pinakasalan lang dahil sa sinasabi niya na para lang
