Simula nang putulin niya ang connection niya sa kaniyang kapatid ay wala na siyang naririnig na kahit na ano tungkol kay KG. Kung ano na ba ang nangyari sa mga ito o kahit kay KG mismo. Pero isa lang naman ang alam niya at hindi magbabago sa lalaking kaharap, iyon ay ang pagiging successful sa buhay. At hindi naman iyon maikakaila hanggang ngayon.
“Gusto kitang makita,” walang gatol nitong wika.
Napalunok siya sa sinabi nito. “Stop pestering me, KG.”
“I’m not pestering you, Tami. Hindi ba puwedeng,” anito na ngumiti pa sa kaniya. “Miss na kita?”
Iyong pakiramdam ni Tami na parang sasabog na siya. Alam niya na natural na naging pinkish ang pisngi niya dahil sa weather din sa lugar niya ngayon. Pero ramdam niya ang pag-iinit ng mga pisngi niya na alam niya na nagpapatingkad lalo sa kulay
