SINISIKAP na ma-absorb ni Tami ang mga narinig pa mula kay KG. Ni hindi niya magawang makapagkomento agad. Hindi rin niya mapigilang isipin na, paano kung wala kaya ang Ate Shantal niya? Siguro, hindi naging ganito ang buhay pag-ibig nila ni KG. Wala silang matinding sakit na naranasan sa bawat isa. Kung mayroon man, siguro, hindi to the point na halos ayaw na niyang mabuhay pa noon.
Huminga siya nang malalim para lamang paluwagin ang kaniyang dibdib na naninikip.
“May gusto pa akong itanong,” anas niya na sapat lamang upang marinig ni KG. “Pero, sa ibang pagkakataon ko na lang uungkatin.” Sa ngayon, tama na muna iyong mga narinig niyang paliwanag sa side ni KG. Quota na quota na ang kaniyang kapatid sa kaniya.
“Okay,” ani KG.
Humilig siya sa balikat ng kaniyang asawa at hinawakan nang
