HININTAY muna ni Tami na mawala kahit paano ang hapding namumuo sa kaniyang lalamunan, bago muling nagsalita.
“H-hindi ko alam kung concern lang ba si Ate Shantal sa akin, para hindi makarating kay papa ang ginawa ko noong prom night. O sadyang napaka-selfish lang talaga niya?” Mariin niyang nakagat ang bahagyang nanginginig na labi dahil sa nararamdamang kirot sa kaniyang puso. Eight years, pero malinaw pa rin ang sakit na dinanas niya noon. “Buong akala ko, na tumatak sa isip ko, you two are dating. Sinabi pa niya sa mga kaibigan niya na sinamahan mo siyang mag-shopping. She even show me your,” kumibot ang labi niya. “Your couple ring. God knows, kung gaano ako nasasaktan noon, hubby. Itinatak niya sa isip ko na may secret relationship kayo. Pakiramdam ko, itsapuwera na ako. Kinalimutan
